Еуропа және Орталық Азия несие мәліметтері провайдерлері қауымдастығы құрылды

БАКУ. ҚазАқпарат - Бакуде Еуропа және Орталық Азия несие мәліметтері провайдерлерінің қауымдастығын құру туралы құрылтай құжаттарына қол қойылды, деп хабарлайды «ҚазАқпарат» ХАА тілшісі.

Қол қою рәсіміне Қазақстан, Әзербайжан, Беларусь, Грузия, Қырғызстан, Тәжікстан, Украина және Өзбекстан несие реестрлері мен бюроларының өкілдері қатысты.

Шара қатысушыларының пікірінше, қауымдастықтың құрылуы өңірдегі қаржы қызметтерін қолжетімді ете түседі, сондай-ақ қаржы нарығын дамытуға кең жол ашады.