03:20, 22 Наурыз 2017 | GMT +6
Еуроодақтың дипломаттары Наурыз мейрамымен құттықтады
БРЮССЕЛЬ. ҚазАқпарат - Еуропаның сыртқы іс-қимыл қызметі барша халықты көктемгі мереке - Наурыз мейрамымен құттықтады. Бұл туралы Еуроодақтың дипломаттары Туиттердегі парақшасында жазды.
«Наурызды мерекелейтіндерге бар жақсылықты тілейміз!» (Best wishes to all celebrating #Nowruz today! #nowruzmobarak), - деп жазды Еуропаның сыртқы іс-қимыл қызметі келте блогында.
Бұған дейін қазақстандықтарды Наурыз мейрамымен Қазақстандағы АҚШ елшісі Джордж Крол мен Қазақстандағы Ұлыбритания елшісі Кэролин Браун қазақша құттықтаған болатын. Сондай-ақ Канаданың премьер-министрі Джастин Трюдода осы мейрамды атап өтетіндерге ізгі ниетін жеткізді.