Ерік Сұлтанов әлеуметтік қорғау қызметкерлерін құттықтады
Біздің өңірде халықтың осал тобын жұмысқа орналастыруға жәрдемдесуге, әлеуметтік қолдау көрсетуге бағытталған мемлекеттік, салалық бағдарламалар іске асырылуда. Соңғы 10 жылда әлеуметтік саланы мемлекеттік қаржыландыру 3 есеге артты. Арнайы қызметтер кешенін көрсететін әлеуметтік нысандар саны артты. Мүмкіндігі шектеулі балалар мен ересектерге арналған 4 жаңа медико-әлеуметтік мекеме, 2 күндізгі бөлімше ашылды. Үйде күтім жасау бөлімшелері 2 есеге көбейді», - деді Ерік Сұлтанов.
Бүгінде СҚО-да 47 мыңнан астам адам мемлекеттік қолдау шараларымен қамтылған, 4 мыңнан астам адамға үйінде көмек алады. Өңірде «Әлеуметтік такси» жұмыс істейді. Әлеуметтік қорғау саласында 2 мыңнан астам маман қызмет етеді. Көп жылғы адал еңбегі, халықты әлеуметтік қолдау жүйесін дамытуға қомақты үлес қосқан 12 адам әкімнің Құрмет грамотасымен, тағы 7-еуі алғыс хаттармен марапатталды.
Азаматтарды әлеуметтік қамтамасыз етуге жеке үлес қосқаны, адал еңбегі үшін денсаулық сақтау және әлеуметтік даму министрінің бұйрығымен «Әлеуметтiк еңбек саласының үздiгi» төс белгісімен 8 адам марапатталды. ДСӘДМ құрмет грамоталарын 5 адам алды, салтанатты шара концертке ұласты.