ЕО елдеріне Brexit жағдайында еуробюджет төлемдерін ұлғайтуға тура келеді

БРЮССЕЛЬ. ҚазАқпарат - Еуроодақ елдері Ұлыбритания  блоктан (Brexit) шыққан соң еуропалық бюджет жарнасын көбейтеді, немесе бірқатар бағдарламалардан бас тартады. Бұл туралы Еурокомиссия басшысы Жан-Клад Юнкер мәлімдеді, деп хабарлайды «ҚазАқпарат» ХАА меншікті тілшісі.

«Егер біз қазіргі бағдарламаларды қысқартсақ, мүше елдер жарнаны көбірек төлейтіні анық»,-деді Юнкер.

Бұған дейін Литва президенті Даля Грибаускайте  Brexit жағдайында ЕО бюджетін ұлғайту керек, немесе бағдарламаларды қысқарту, қажет болса қазіргі деңгейінде қалдыру керек екендігін айтқан.

Бұған дейін ЕО көшбасшыларының бейресми саммитінде Жан-Клод Юнкер Еуропалық одақ жұмысын тиімді етуге байланысты бірқатар бастамалар көтерген болатын.