Еңбек және халықты әлеуметтік қорғау министрлігіне жаңа баспасөз хатшысы тағайындалды
Нұрлыбек Жеңісбек Қазақстан Республикасы Еңбек және халықты әлеуметтік қорғау министрінің баспасөз қызметі басшысы, баспасөз хатшысы қызметіне тағайындалды.
1988 жылы туған. Ұлттық педагогикалық университетті (филология бакалавры) аяқтаған, халықаралық қатынастар магистрі дәрежесінің иегері (Ресей Федерациясының Президенті жанындағы Ресей мемлекеттік қызмет академиясы).
Еңбек жолын 2006 жылы «Қазақстан» телеарнасында тілші болып бастаған. Әр жылдары облыстық және республикалық телеарналарда редактор, тележүргізуші қызметтерін атқарған. Сонымен қатар, 2013-2017 жылдары, Шымкент қаласы және Оңтүстік Қазақстан облысы әкімдерінің баспасөз хатшысы, кеңесшісі лауазымдарын атқарған. 2017 жылдың ақпан айынан бастап ОҚО «Ақпараттық Талдау» орталығының директор орынбасары болып істеген.
Қазақстан журналистер одағының, «ҚазАльянс» қоғамдық бірлестігінің мүшесі.
2015 жылы ҚР Президентінің кезектен тыс сайлауында Президенттің сенімді өкілі болған. ҚР Президентінің жанындағы Қазақстан стратегиялық зерттеулер институты ОҚО өкілдігі сарапшылар кеңесінің мүшесі, «Болашаққа бағдар: қоғамдық сананы жаңғыру» бағдарламалық мақаласын түсіндіру мақсатында құрылған Оңүстік Қазақстан облыстық жобалық кеңсесінің әкімшісі.