Елордадағы ІІМ ғимаратында шыққан өрттен ешкім зардап шеккен жоқ

АСТАНА. ҚазАқпарат - Астанада Ішкі істер министрлігінің орталық ғимаратында электр сымының қысқа тұйықталуы  өрттің шығуына себеп болды. Ішінара техника мен жиһаздар өртенді, бірақ айтарлықтай шығын болған жоқ, деп хабарлады ortcom.kz.

ҚР ТЖК ресми өкілі Руслан Иманқұлов болған жағдайдың егжей-тегжейін айтып берді.

Бүгін сағат 08.07-де Астана қаласы бойынша өртке қарсы қызмет органдарына ІІМ әкімшілік ғимараттарының бірі түтіндеп, өртеніп жатқаны жайлы ақпарат түсті.

«Өрт электр сымының қысқа тұйықталуынан шыққан. Зардап шеккендер, иіс тигендер жоқ. Қандай да бір жағдайлар тіркелмеді. Адамдар жұмыс орындарында қалды, себебі өрттің жайылу қаупі болған жоқ», - деді Руслан Инмақұлов.