22:10, 06 Наурыз 2018 | GMT +6
Елордада өгей әке ұлын ұрып тастаған
АСТАНА. ҚазАқпарат - Астанада өгей әке ұлын ұрып тастаған, деп хабарлайды «ҚазАқпарат» ХАА елорда қалалық сотына сілтемемен.
Ер адам асыранды баланы өз үйінде сабаған.
«Сот-медициналық сараптама қорытындысы бойынша, жапа шегушінің денесінде соққы іздері бар. Бұл денсаулыққа жеңіл зақым келтіру болып саналады», - делінген хабарламада.
Астананың мамандандырылған ауданаралық әкімшілік сотының үкімімен тұрғын ҚР Әкiмшiлiк құқық бұзушылық туралы кодексінің 73-2-бабы, 1 тармағы бойынша әкімшілік жазаға тартылды. Сондай-ақ, оған 15 АЕК көлемінде айыппұл салынды.
Үкім заңды күшіне енді.
Фото: smolensk-i.ru