Елордада Қазақстан-америкалық екінші бизнес форум өтуде

None
None
АСТАНА. ҚазАқпарат - Бүгін Қазақстан Сыртқы істер министрлігінің ғимаратында Астана экономикалық форумы (Global Challenges Summit) қарсаңында «Бәсекеге қабілетті Қазақстан» атты екінші Қазақстан-америкалық бизнес-форум басталды, деп хабарлайды ҚазАқпарат тілшісі.

Іс-шараға Қазақстан Премьер-Министрінің бірінші орынбасары Асқар Мамин, «Астана» халықаралық қаржы орталығының басқарушысы Қайрат Келімбетов,  Мәдениет және спорт министрі Арыстанбек Мұхамедиұлы  сондай-ақ ауыл шаруашылығы, әділет, ақпарат және коммуникациялар министрліктерінің басшылығы, Қазақстан мен АҚШ-тың 50-ден астам компаниялары, соның ішінде америкалық Жеке шетелдік инвестициялар корпорациясы (OPIC) және Дүниежүзілік банк, Еуропалық қайта құру және даму банкінің (ЕҚҚДБ) өкілдері қатысты.
null

Өз сөзінде А.Мамин Мемлекет басшысының АҚШ-қа ағымдағы жылғы қаңтарда жасаған ресми сапары аясында қол жеткізілген уағдаластықтардың орындалу барысы туралы айтып берді. Сонымен қатар, форумға қатысушылар Қазақстандағы іскерлік ортаны одан әрі жақсартуға бағытталған іс-қимыл, сондай-ақ жаңғырту, әртараптандыру және цифрландыру жөніндегі мақсаттарды орындау барысы туралы егжей-тегжейлі мәлімет алды.

nullОсы жылы форумды ұйымдастырушылар - Халықаралық түсіністік жөніндегі іскерлік кеңес, Қазақстанның АҚШ-тағы елшілігі және «Қазақ Инвест» ұлттық компаниясы серіктестіктің жаңа перспективалық бағыттарына назар аударды. Тараптар агроөнеркәсіптік кешен, медицина, ақпараттық технологиялар, қаржы және киноиндустрия салаларындағы ынтымақтастықты жандандыру мүмкіндіктерін, сондай-ақ Қазақстандағы зияткерлік меншікті қорғаудағы прогресті талқылады.

nullФорум аясында екіжақты келіссөздер өтті. «Valmont Industries», «AGCO-GSI», «Global Beef» және «Animart» компаниялары Ауыл шаруашылығы министрлігінің және қазақстандық аграрлық бизнес өкілдерімен кездесулер өткізуге ниетті. Медицина саласындағы американдық көшбасшылар - «Pfizer», «Medtronic», «Ecolab» бизнесті дамытуға және қазақстандық мамандарды даярлауға мүдделі. «MasterCard», «Autodesk» және «Microsoft» жоғары технологиялық компаниялары ұлттық экономиканы цифрландыру жобаларына белсенді қатысуға дайын.

Қазақстанға алғаш рет «Comcast NBC Universal» компаниясының басшылығы келіп, қазақстандық тараппен киноиндустрия және ойын-сауық саласындағы ынтымақтастық туралы келіссөздер жүргізді.

Жалпы, форум 2018 жылдың қаңтарында Мемлекет басшысының АҚШ-қа ресми сапары нәтижесінде қол жеткізілген коммерциялық уағдаластықтардың орындалуын талқылау үшін тиімді алаң болды. Талқылау нәтижесінде келесі 3-ші «Бәсекеге қабілетті Қазақстан» атты бизнес-форумды Қазақстанның сыртқы саясатын экономизациялау аясында 2019 жылы Астанада өткізу ұйғарылды.

Америкалық қатысушыларының форумға келу бағдарламасы АЭФ-2018 жұмысына қатысуды көздейді.

Соңғы жаңалықтар