Елордада қатерлі ісік ауруларының алдын алу бойынша онкүндік аяқталды

None
None
АСТАНА. ҚазАқпарат - Елордада Дүниежүзілік сүт безінің қатерлі ісігімен күрес күніне арналған қатерлі ісік ауруларының алдын алу бойынша онкүндік аяқталды, деп хабарлайды әкімдіктің баспасөз қызметінен.

Он күннің ішінде 972 әйел тексеруден өтті. Шара бір уақытта бірнеше медициналық мекемеде, соның ішінде, онкологиялық орталықта ұйымдастырылды. Ал «Астана су арнасы» кәсіпорнында акция кезінде 357 әйел медициналық тексеруден өтті.

Соңғы үш жылда Астанада осы індетпен ауыру көрсеткіші артып келеді. Мамандардың айтуынша, бүгінгі күні ауруды ерте анықтаудың және емдеудің жаңа және инновациялық әдістері бар. Ал дәрігердің көмегіне уақытында жүгінген жағдайда аурудан толықтай айығуға мүмкіндік бар.

Қазіргі кезде астаналықтар тұрғылықты жері бойынша 11 емхана мен 9 ішкі аудит қызметінде онколог дәрігерлердің тегін тексеруінен өте алады.

Соңғы жаңалықтар