Елордада асық атудан жарыс өтті
Жарысқа министрлік құрамына кіретін комитеттер мен департаменттердің командалары қатысты.
Спорт саласының қызметкерлері арасында өткен сайыс өте тартысты өтті. Спорт комитетінің екі командасы 2 ойында тең түсіп, тек 3-ші ойында ғана бір асық айырмасымен шын мықты анықталды.
Бас сарапшы Мұxамеджан Бекназаров пен басқарма басшысы Ермек Жусанов жеңіске жетіп бірінші орынды иеленді. Ал екінші орынды Министрдің орынбасары Сәкен Мұсайбеков пен комитет төрағасының орынбасары Асқар Есімовтердің командасы иеленді, үшінші орынды Тілдерді дамыту комитетінің командасы еншіледі.
Айта кетер жайт, алдағы уақытта министрлік басшылығы ұжым арасында спорттың тағы да бірнеше түрінен тұрақты жарыстарды ұйымдастыруды қолға алмақшы.
Мұндағы басты мақсат - ұлттық құндылықтарды дәріптеу. Ал асық ату - көне заманнан келе жатқан қазақ xалқының төл дәстүрімен ұштасқан, қазақ баласының қанына біткен ұлттық ойыны.
