Елбасы Түрікменстан Меджлисі комитетінің төрағасымен кездесті

АСТАНА. ҚазАқпарат - Қазақстан Президенті Түрікменстан Меджлисі комитетінің төрағасы Сердар Бердімұхамедовпен кездесті, деп хабарлайды Ақорданың баспасөз қызметі.

Нұрсұлтан Назарбаев Түрікменстан Президентіне ізгі ниетін білдіріп, қызметіне зор табыс тіледі.

Мемлекет басшысы Қазақстан мен Түрікменстан арасындағы екіжақты диалогты нығайту мен дамытудың маңыздылығын атап өтті.

Кездесу барысында Қазақстан Президентіне Түрікменстан Президенті Гурбангулы Бердімұхамедовтың жеке жолдауы табыс етілді.