Елбасы ҚХА-ның 25-сессиясын шақыру туралы Өкімге қол қойды

АСТАНА. ҚазАқпарат - Мемлекет басшысы Нұрсұлтан Назарбаев Қазақстан халқы Ассамблеясының жиырма бесінші сессиясын шақыру туралы Өкімге қол қойды, деп хабарлады Ақорданың баспасөз қызметі. 

Қазақстан халқы Ассамблеясының жиырма бесінші сессиясын шақыру туралы

1. Қазақстан халқы Ассамблеясының жиырма бесінші сессиясы 2017 жылғы 26 сәуір күні Астана қаласында Бейбітшілік және келісім сарайында «Жаңғырудың негізі - тұрақтылық, бірлік, келісім» күн тәртібімен шақырылсын.

2. Қазақстан Республикасының Үкіметі Қазақстан халқы Ассамблеясының жиырма бесінші сессиясын өткізуді ұйымдастыру жөнінде шаралар қабылдасын.

Қазақстан Республикасының
Президенті                                                          Н.Назарбаев


Астана, Ақорда, 2017 жылғы 18 наурыз № 154