06:15, 18 Қаңтар 2017 | GMT +6
Ел өңірлеріндегі тұман сәрсенбі күні де сақталады
АСТАНА. ҚазАқпарат - 18 қаңтар күні республиканың басым бөлігінде жауын-шашынсыз ауа райы сақталады, елдің тек оңтүстігінде жауын-шашын күтіледі.
Кей жерлерді тұман басады, оңтүстікте көктайғақ болып, жел күшейеді, деп хабарлайды ҚазАқпарат «Қазгидромет» РМК-ға сілтеме жасап.
Жамбыл облысының кей жерлерінде тұман болып, түнде жел 15-20 м/с күшейеді.
Ақмола, Солтүстік Қазақстан, Қостанай, Павлодар, Қарағанды, Шығыс Қазақстан, Маңғыстау облыстарында, түнде Алматы облысының жекелеген жерлерінде тұман болжанады.
Оңтүстік Қазақстан облысында, күндіз Қызылорда облысының кей жерлерінде көктайғақ күтіледі.