ЭКСПО-ға 15 мың баланы жібереміз - Тоғжанов
«Бізде жазғы демалыс шараларымен балалардың 100 проценті қамтылады. Олардың ішінде 75,2 проценті сауықтыру шараларымен қамтылса, 25 проценті - ата-аналарымен демалатын балалар. Оған тиісті қаражат бар. Сосын өткен жылмен салыстырғанда, ол қаражаттың көлемі 113 миллион теңгеге көбейді. Сондықтан демалыс шараларымен барлық балалар қамтылады. Бұнымен қатар, биыл Астана қаласындағы ЭКСПО-2017 көрмесіне 15 мың бала жіберіледі», - деді Тоғжанов бүгін Үкімет отырысында.
Онлайн байланыс арқылы есеп берген облыс басшысы әскери-патриоттық лагерьлердің ашылғанын да жеткізді. Ол жерге 300 бала барады. Сондай-ақ «Атамекен» ұлттық кәсіпкерлер палатасының қолдауымен балалар туризмі қолға алынып отыр.
Айта кетейік, Үкіметтің бүгінгі отырысында жазғы каникулда балалардың демалысын, бос уақыты мен оларды жұмыспен қамтуды ұйымдастыру мәселесі қаралды. Биыл 1-11 сынып оқушыларының саны 2 миллион 671 мың баланы құрап отыр. Олардың жазғы демалысын ұйымдастыру үшін республикада 14 мыңға жуық денсаулық лагерьлері мен алаңдар жұмыс істейді. Жазғы лагерьлер 1 миллион 655 баланы, яғни барлық оқушылардың 61 процентін қамти алады.