ЭКСПО билеттерін тегін алуға болады - министрлік
«Қазақстан теміржолы» ұлттық компаниясы құрамына кіретін «Жолаушылар тасымалы» АҚ бұған дейін ЭКСПО билеттерін көптеп сатып алды. Билеттердің бағасы әртүрлі, датасына қарай 4-8 мың теңгенің айналасында. Міне, осы билеттер жеңілдікпен беріліп жатыр. Мәселен, кәдімгі облыс орталықтарына, шалғайға қатынайтын пойызға билет алсаңыз, ЭКСПО билетін 45 проценттік жеңілдікпен қосымша алуға мүмкіндік бар. Ал «Тұлпар-Тальгоға» билет алынса, көрме билеті жолаушыға тегін беріледі», - дейді Скляр.
Вице-министрдің айтуынша, ондай жеңілдіктер барлық облысаралық маршруттарға таралады.
Айта кетейік, Астанадағы ЭКСПО Халықаралық көрмесі кезінде 2 млн 450 мың адам келіп кетуі тиіс. Соның ішінде ел аймақтарынан келетін 1 миллион 800 мың адам бар .
Тоқтала кететін жайт, вице-министр Скляр ЭКСПО барысында қандай да бір қолайсыз жағдайлар болса, астаналықтарға бұған түсінікпен қарауға шақырды. "ЭКСПО-ға біз өз үйімізге қонақ келгендей қарауымыз керек" деді вице-министр.