Экспедиция мүшелері тарихи маңызы бар нысандарды тамашалады - Қызылорда
Экспедиция мүшелері тарихи маңызы бар ескерткіштер мен мұражайларды аралады, деп хабарлайды ҚазАқпарат тілшісі облыстық кәсіпкерлік және туризм басқармасына сілтеме жасап хабарлады.
Топ құрамында 50-ге жуық орта және жоғары оқу орындарының студенттері болды. Олар Жалағаш және Қармақшы аудандарының туристік әлеуеті бар мәдени-тарихи нысандары Қалжан-Ахун кесенесі және «Қорқыт Ата» мемориалдық кешенін тамашалады. Экспедиция нәтижесінде студенттерге қазақ халқының мәдениеті мен тарихы туралы көбірек білуге мүмкіндік берілді.
Еліміздегі туризм мәселесіне Елбасы өзінің Ұлт жоспары - бес институционалдық реформаны жүзеге асыру жөніндегі 100 нақты қадам еңбегінің 87-қадамында кеңінен тоқталып өтті. Онда: Азаматтық біртектілікті нығайтудың «Менің елім» ұлттық жобасын әзірлеу және жүзеге асыру, оның аясында технологиялық жобалар серияларын іске асыру қарастырылатын болады. Соның бірі - «Қазақстан энциклопедиясы» кең көлемді интернет жобасын құру туралы айтты. Мұндағы басты мақсат - әрбір азаматқа және шетелдік туристке ел туралы көбірек білуге көмектесу керектігін ұсынды.