Дүйсенбіде еліміздің көп бөлігінде тұман түседі, жел күшейеді

АСТАНА. ҚазАқпарат - 16 қаңтар күні еліміздің басым бөлігінде жауын-шашынсыз болады, тек солтүстік-шығыста және оңтүстікте құбылмалы ауа-райы сақталады. Кей жерлерде тұман. Оңтүстікте және оңтүстік-шығыстың кей жерлерінде көктайғақ болып, желдің күшеюі күтіледі, деп хабарлайды Қазгидромет.

Жамбыл облысының кей жерлерінде тұман, көктайғақ болып, жел 15-23 м/с күшейіп, жаяу бұрқасын күтіледі.

Оңтүстік Қазақстан облысында тұман, жел 15-20 м/с күшейеді, жаяу бұрқасын соғады. 

Қызылорда облыстарының кей жерлерінде жел 15-20 м/с күшейеді.

Ақмола, Ақтөбе, Қостанай, Солтүстік Қазақстан, Павлодар, Қарағанды, Алматы облыстарының кей жерлерінде, түнде Шығыс Қазақстан облысының кей жерлерінде тұман күтіледі.