Дүйсенбіде елдің басым бөлігінде бұрқасын соғады

АСТАНА. ҚазАқпарат - Атмосфералық ауа ағымдарының өтуіне байланысты Қазақстанның басым бөлігінде жауын-шашын жауады, тек оңтүстікте, солтүстік-батыста жауын-шашынсыз ауа-райы күтіледі. Бұл туралы Қазгидромет хабарлайды.

Республиканың кей жерлерінде желдің күшеюі, тұман, көктайғақ, бұрқасын болжануда.

Алматы облысының кей жерлерінде желдің жылдамдығы 15-20, Жаланашкөл ауданында екпіні 23-28 м/с дейін жетеді.

Шығыс Қазақстан, Жамбыл, Ақмола, түнде Қарағанды облыстарының кей жерлерінде тұман, көктайғақ, бұрқасын болып, 15-20 м/с жылдамдықпен жел соғады.

Солтүстік Қазақстан облысының кей жерлерінде тұман, көктайғақ, күндіз желдің күшеюі күтіледі.

Павлодар, Қызылорда, Оңтүстік Қазақстан, Маңғыстау, Атырау, Батыс Қазақстан, Қостанай облыстарының кей жерлерінде тұман түсіп, жел соғады.