18:12, 22 Қаңтар 2018 | GMT +6
«Дүние күйіп кетсе де»: Өртеніп жатқан көліктің қасында ер адам алаңсыз көше сыпырып жүр
АЛМАТЫ. ҚазАқпарат - Өртенген BMW X5 қасында көше сыпырып жүрген жұмысшының салқынқандылығы интернет пайдаланушыларын таңқалдырды, деп хабарлайды ҚазАқпарат тілшісі.
Бұл видео Инстаграм желісіндегі kris_p_almaty паблигінде жарияланды.
Назарбаев-Райымбек көшелерінің қиылысында BMW X5 көлігі өртке оранған.
Ал жолдың бергі бетінде ер адам алаңсыз көше сыпырып жүр.
Қолданушылар ер адамның іс-әрекетіне қатысты нешетүрлі пікір қалдырды. Бірі «маған осы жігіттің салқынқандылығын берсе ғой» деп жатса, chadievna_.g есімді желі қолданушысы «Бұл аула сыпырушыға машина не керегі бар? Оған өмірі маңызды. Атылып кетсе, оның семьясын кім асырайды?» деп жазған.
Қалалық ТЖД хабарлауынша, төтенше жағдай 08:32-де орын алған. Көліктің мотор бөлігінде өрт тұтанған.
Өртті 08:34-де ауыздықтау мүмкін болды. Тілсіз жау 3 шаршы метр аумақты шарпыды.
Көлік иесі өрттен зардап шеккен жоқ.