11:35, 13 Ақпан 2018 | GMT +6
«Дос-Мұқасан» ансамблін құрушылардың бірі Досым Сүлеев жаңа қызметке тағайындалды
АЛМАТЫ. ҚазАқпарат - Досым Сүлеев Алматы сейсмология институтының директоры болып тағайындалды, деп хабарлайды ҚазАқпарат тілшісі.
«Сейсмология институты» ЖШС-ның директоры болып Досым Сулеев тағайындалды. Ол қызметіне 24 ақпаннан бастап кіріседі. Оған дейін директордың міндетін басшының орынбасары Нұрсәрсен Өзбеков атқарады», - деп хабарлады аталған институттан.
71 жастағы Досым Сүлеев ҚР ҰҒА президиум мүшесі. Ол 1947 жылы Оңтүстік Қазақстан облысында дүниеге келген. Сондай-ақ, Досым Сүлеев «Дос-Мұқасан» ансамблін құрушылардың бірі ретінде танылған.
Айта кетейік, Сейсмология институтына 12 ақпанға дейін Әнуар Боранбаев басшылық етті.