Денсаулық сақтау министрлігі ШҚО-да су басқан елді мекендерге бақылауды күшейтті

None
None
АСТАНА. ҚазАқпарат - Денсаулық сақтау министрлігі ШҚО-да су басқан елді мекендерге бақылауды күшейтті. Бұл туралы еліміздің Денсаулық сақтау министрлігінің Қоғамдық денсаулық сақтау комитетінің баспасөз қызметі хабарлады.

Баспасөз мәліметтеріне қарағанда, бүгінгі күні су тасқынынан зардап шеккен елді мекендердегі, оның ішінде халықты уақытша орналастырған жерлердегі эпидемиологиялық жағдай тұрақты.

«Шығыс Қазақстан облысының Аягөз, Күршім, Глубокое, Зайсан, Зырян, Үржар, Ұлан аудандары мен Өскемен қаласын су басуға байланысты халық арасында топтық инфекциялық ауру жағдайлары тіркелген жоқ. Су басқан және көшірілген халық орналастырылған жерлерде жедел медициналық жәрдем бригадалары кезекшілік атқаруда. Сонымен бірге тұрғындар мен су тасқыны кезінде зардап шеккен адамдар тұратын жерлердің жағдайын бақылауды ұйымдастыру және жүзеге асыру үшін тәжірибелі дәрігерлерден, эпидемиологтардан, гигиенистерден, дезинфекторлардан тұратын шұғыл топтар жұмыс істеуде»,-делінген комитеттің хабарламасында.

Ауыз судың қауіпсіздігіне тұрақты мониторинг ұйымдастырылды. ШҚО тұрғындарын су құбыры және қоғамдық құдықтар суының ластану фактілері туралы, сондай-ақ сарқынды судың жер бетіне шығуы туралы Комитеттің фейсбуктегі парақшасына және мына телефондар арқылы уақтылы хабарлауды сұраймыз:

ШҚО Қоғамдық денсаулық сақтау департаменті: 8/7232/76-85-99;

Астана қаласындағы ҚР ДСМ Қоғамдық денсаулық сақтау комитеті: 8 /7172/ 74-17-40 және электрондық адрес: [email protected].

ШҚО-дағы ТЖ аймақтарындағы жағдай Қазақстан Республикасы Денсаулық сақтау министрлігінің тұрақты бақылауында тұр.

Соңғы жаңалықтар