Демалыс күндері Қазақстанда аяз күшейеді

АСТАНА. ҚазАқпарат - «Қазгидромет» РМК Қазақстан аумағындағы алдағы үш күнге, 17-19 ақпанға арналған ауа райы болжамын жариялады, деп хабарлайды «ҚазАқпарат» ХАА.

Ведомствоның сүйенсек, Қазақстан аумағына Ресейдің Еуропа бөлігінен келетін антициклон ықпалы басым облыстарда демалыс күндері аязды ауа райы болады, қар жаумайды, күн ашық. Оңтүстік-шығыстың таулы өңірлерінде суық атмосфералық ағындардың әсерінен қар жаууы ықтимал.

Синоптиктер алдағы үш тәулікте ауа температурасы климаттық нормадан 2-4 градус төмен болатынын айтады.