БЖЗҚ-ның бұрынғы басшысын қамауда ұстау мерзімі 1 айға ұзартылды
БЖЗҚ ісіне қатысты күдіктілерді қамауда ұстау мерзімі 8 айға дейін ұзартылды. Сот шешімімен «БЖЗҚ» АҚ экс-төрағасы Руслан Ерденаевқа, БЖЗҚ-ның Тәуекелдерді басқару департаменті қаржылық тәуекелдер басқармасының бұрынғы басшысы Мұса Бахтовқа, «Алатау Мұнай Алтын» компаниясының басшысы Б.Кенжебаевқа, «Бузгул Аурум» ЖШС басшысы А.Найзағаринге қатысты бұлтартпау шарасын өзгертіп, қамау мерзімін 8 айға ұзарту туралы шешім шығарды.
Күдіктілер сот басталғанша қамауда 28 тамызға дейін отыратын болды.
Іске қатысы бар деп танылған «МегатрансАзия» ЖШС-ның басшысы Талғат Тұртаев сотқа дейін тағы 1 ай, яғни 23 тамызға дейін қамауда болмақ. Аталған тұлғалардың барлығы ҚР ҚК 189-бабының 4-бөлімі бойынша айыпталып отыр
Бұған дейін БЖЗҚ АҚ басқарма төрағасының бұрынғы орынбасары Дабыр Медетбековке қатысты бұлтартпау шарасы өзгертілген, нақтырақ айтқанда оны қамауда ұстау мерзімі 8 тамызға дейін ұзартылған болатын.