БҰҰ Қауіпсіздік Кеңесі мәдени мұра нысандарының жойылуы мәселесін талқылады
Бұл туралы ҚР СІМ баспасөз қызметі хабарлады.
Өз баяндамасында қазақстандық делегация мәдени мұра нысандарын қорғауға қатысты Қауіпсіздік Кеңесінің 2347 қарарын жүзеге асыру туралы БҰҰ Бас хатшысының соңғы есебін құптады. Бұл маңызды құжат Ұйымға мүше мемлекеттерге осы мәселені жан-жақты зерттеуге және оның байыптылығы мен ауқымын бағалауға мүмкіндік берді.
БҰҰ-ға мүше барлық мемлекеттер мәдени мұраны сақтау мен қайта дамытудың маңыздылығын сезіну үшін, Қазақстан Қауіпсіздік Кеңесі мүшелерінің назарын жаһандық әрекеттерді жүзеге асырудың қажеттілігіне аударды. Сонымен қатар, біздің мемлекеттің ЮНЕСКО-ның тиісті әрекет Жоспарын жүзеге асыруды қолдайтыны көрсетілді. Осыған байланысты «Мәдениетті сақтау және мәдени плюрализмді мадақтау: бекем әлемнің кілті» атты Италияның үндеуіне баса назар аударылды.
Бүгінгі таңда мәдени құндылықтардың заңсыз айналымына қатысты санкция режімін қатал сақтау, іскерлік қауымдастықтармен, антиквариат базарларымен және жеке сатушылармен өзара әрекеттесу және де артефакттар мен мұра объектілері жайлы сәйкес құжатнаманы беру өзекті болып отыр. Сонымен қатар, Қазақстан жағы оң нәтижелер тек, бірінші кезекте, сәйкес ақпаратпен алмасу арқылы, БҰҰ-на мүше мемлекеттердің көбісі тығыз ынтымақтастықты бастаған жағдайда ғана мүмкін болатынын атап өтті.
Атап айтқанда, Қауіпсіздік Кеңесінің отырысына қатысушылар, халықаралық қоғамдастыққа мәдени мұраны қорғау маңызды мәселе болып табылатынын тағы да бір рет растады. Соған байланысты БҰҰ-ға мүше барлық мемлекеттер бар құқықтық құралдарды барынша тиімді қолдануы керек. Сонымен бірге, қарулы қақтығыстар жағдайында, соның ішінде Ирак және Сирия аумақтарында мәдени мұраны ұрлайтын және жоятын терроршылардың қылмыстары жазасыз қалмауы керектігі ерекше атап өтілді.