22:02, 24 Ақпан 2017 | GMT +6
БҰҰ қарызы бар алты мемлекетті дауыс беру құқығынан айырды
АСТАНА. ҚазАқпарат - БҰҰ Бас ассамблеясы мүшелік жарнаны төлемеген алты елді дауыс беру құқығынан уақытша айырды. Берешегі ең көп ел - Венесуэла. Бұл туралы БҰҰ-ның бейсенбі, 24 ақпан күні жарияланған хабарламасында айтылады.
Қарызы ең көп ел болып саналатын Венесуэла тек $24 млн. қаржыны төлеген соң дауыс беруге қатыса алады. Қалған бес ел - Кабо Верде, Ливия, Папуа-Жаңа Гвинея, Судан мен Вануату БҰҰ Бас ассамблеясының 71-сессиясының жұмысы аяқталғанға дейін, яғни 2017 жылдың күз мезгіліне дейін дауыс беру құқығынан шеттетілді.
Борышкер-елдер екі жылдық соманы төлегеннен кейін ғана дауыс беру құқығын қайтара алады. Бұл туралы БҰҰ-ның жаңа бас хатшысы Антониу Гутерриш қаңтар айының соңында мәлімдеді. Жыл сайынғы жарна сомасы әр елге жеке есептеледі.