БҰҰ бас хатшысы 20 млн адамды құтқару үшін 4,4 млрд доллардың жетіспейтінін мәлімдеді

АСТАНА. ҚазАқпарат - БҰҰ бас хатшысы Антониу Гутерриштің мәлімдеуінше, бірқатар елдердегі гуманитарлық апаттың алдын алу үшін 2017 жылдың наурыз айының соңына дейін $4 млрд астам қаржы жинау керек, деп хабарлайды Reuters агенттігі.

Оның айтуынша, Нигерия, Сомали, Оңтүстік Судан мен Йемендегі 20 млн адам аштыққа ұрынайын деп тұр. Төтенше жағдайды шешу үшін 2017 жылы азық-түлікке $5,6 млрд қаржы қажет, соның ішінде $4,4 млрд соманы наурыз айының соңына дейін жинау керек.

«Жомарттық жасап, берілген уәделерге қарамастан, іс жүзінде тек $90 млн ақша жиналды», - деп келтіреді агенттік Гутерриштің сөзін. Ол атап өткендей, бұл қаржы әрбір доллардың тек екі центін құрайды.