Қолданушы баптаулары
Қолданушы баптаулары
+7 (701) 759 90 19 Лента
Астана: -24 °С
Алматы: -7 °С
USD 319.42 EUR 400.04
RUB 5.66 CNY 50.35
Жаңалықтар

Бурабайға жылына 1 миллионға жуық адам келеді - Мырзалин

2017 жылғы 15 қараша 13:24 744
Поделиться:
Бурабайға жылына 1 миллионға жуық адам келеді - Мырзалин

АСТАНА. ҚазАқпарат - Ақмола облысының әкімі Мәлік Мырзалин БАҚ өкілдері арасында «Ғажайып Бурабай» атты байқау жарияланғанын айтты, деп хабарлайды «ҚазАқпарат» ХАА тілшісі.

ОКҚ-да Ақмола облысының әлеуметтік-экономикалық дамуы тақырыбында өткен баспасөз мәслихатында Мәлік Мырзалин өзі басқаратын аймақ үшін басым бағыттардың бірі туризм екенін атап өтті. Оның айтуына қарағанда, Щучье-Бурабай курорттық кешеніне жылына шамамен 1 миллион адам келеді. Оның ішінде 30%-і шетелдіктер.

«Елбасы Нұрсұлтан Назарбаевтың өзі Бурабайға әлемдік деңгейдегі курортты жасау жұмысына көп көңіл бөліп келеді. «ЭКСПО-2017» халықаралық көрмесі біздің өңіріміздің туристік әлеуетін дамытуда маңызды рөл атқарғанын айта кетейін. 100-ден астам ел қатысқан көрменің арқасында Бурабайға келушілердің саны артты», - дейді аймақ басшысы.

Мәлік Мырзалин өз сөзінде биылғы жылдың бірінші жартыжылдығында Ақмола облысында туристерді орналастыру бойынша қызмет көрсету тұрғысынан 2,2 млрд теңгенің қызметі көрсетілгенін жеткізді.

«Ендігі міндетіміз - өңірге бір мәрте келген туристі қайта-қайтып келгісі келіп тұратындай жағдай жасау. Осы мақсатта курорттық аймақтардың тартымдылығын арттыру бойынша жұмыстар жүргізілуде. Щучье-Бурабай курорттық аймағының инфрақұрылымын одан ары дамыту үшін құны 61,3 млрд теңгелік 34 жоба Жоспардың III кезеңі шеңберінде жүзеге асырылады. Құжат бүгінгі таңда Үкіметпен бекітілді», - дейді ол.

Өңір басшысы сонымен бірге, Ақмола өңірінде Туристік ақпараттық орталық құрылғанын атап өтті.  Аймақ басшылығы алдағы уақытта Бурабай курортының жыл бойы туристерді қабылдауы бойынша жұмыстарды қолға алмақ.

 

 

 


Басты сөздер: Ақмола облысы, Туризм, Әкім,
Бөлісіңіз:

Автор:

Аян Бекенұлы

Онлайн қызметкерлер
Редактор
Жанибек Амангелди
Жанибек Амангелди
954-059
Мұрағат