Бүгін Конфедерация кубогы 2017 жарысының жеребесі тартылады
Күш қолданылатын спорт түрлері және спорттық жекпе-жек конфедерациясының ұйымдастыруымен биыл екінші рет «Конфедерация кубогы» өтеді. Жеребе тарту рәсіміне Олимпиада және әлем чемпионаттарының жүлдегерлері қатысады.
Аталған жарысқа еліміздің 16 өңірінің саңлақтары спорттың 5 түрінен жарысқа түседі. Жарыстың ерекшелігі бір мезетте көрермендер бокс, грек-рим күресі, еркін күрес, дзюдо және таеквондо спорт түрлері бойынша сайыстарды тамашалай алады.
16 команда 4 топқа бөлініп қазан айында Ақтау, Шымкент, Тараз және Талдықорған қалаларында іріктеу кезеңдерін өткізеді. Сол жарыста әр спорт түрі бойынша үздік шыққан командалар желтоқсан айының 2-3 аралығында Алматы қаласында өтетін ақтық кезеңде бақтарын сынайтын болады.
Жүлде қоры 125 млн теңге. Бір спорт түрі бойынша жеңіске жеткен команда 25 млн теңгеге ие болады.