03:36, 22 Қазан 2017 | GMT +6
Бүгін Қазақстанның басым бөлігінде жаңбыр жауады
АСТАНА. ҚазАқпарат - Бүгін атмосфералық фронттардың өтуіне байланысты Қазақстанның басым бөлігінде жауын-шашын болады. Тек оңтүстік, оңтүстік-шығыста ауа райы жауын-шашынсыз. Республиканың кей жерлерінде желдің күшеюі, тұман, көктайғақ күтіледі.
Бұл туралы ҚР ІІМ ТЖК баспасөз қызметі хабарлайды.
Қарағанды облысының кей жерлерінде желдің күшеюі 15-20 м/с, тұман, көктайғақ күтіледі.
Алматы облысының Жалаңашкөл ауданында желдің күші 15-20 м/с болады.
Шығыс Қазақстан, Жамбыл облыстарының кей жерлерінде желдің күшеюі 15-20 м/с-ға жетеді.
Ақмола облысында кей жерлерде тұман, көктайғақ күтіледі.
Қызылорда, Маңғыстау, Атырау, Қостанай, Павлодар, Солтүстік Қазақстанда, түнде және таңертең Батыс Қазақстан облыстарының кей жерлерінде тұман күтіледі.