Бүгін Қазақстанның басым бөлігінде тұман түсіп, жел күшейеді

АСТАНА. ҚазАқпарат - Бүгін республиканың солтүстік, солтүстік-шығыс және орталық аудандарында атмосфералық ағындардың өтуіне байланысты кей жерлерінде қар жауып, оңтүстік облыстарының кей жерлерінде тұман, көктайғақ болып, жаяу бұрқасын соғады, деп хабарлайды Қазгидромет.

Қарағанды облысының кей жерлерінде көктайғақ, жаяу бұрқасынмен жел 5-20 м/с күшейеді.
Павлодар облысының кей жерлерінде түнде жаяу бұрқасынмен жел 15-20 м/с күшейеді.
Шығыс Қазақстан облысының кей жерлерінде түнде және таңертен - тұман, күндіз жел 15-20 м/с күшейеді.
Оңтүстік Қазақстан облысының кей жерлерінде тұман, күндіз жел 15-20 м/с күшейеді.
Ақмола, Жамбыл, Қызылорда, Батыс Қазақстан, Атырау, Ақтөбе, Қостанай, Солтүстік Қазақстан облыстарында, түнде Алматы облысының кей жерлерінде тұман болады.