Бүгін Қазақстанның басым бөлігінде тұман түседі, кей жерлерде бұрқасын соғады

АСТАНА. ҚазАқпарат - Бүгін Республиканың солтүстік-батыс және оңтүстік бөлігінде атмосфералық фронттардың өтуіне байланысты құбылмалы ауа райы сақталады. Кей жерлерде тұман түседі, бұрқасын соғып, желдің күшеюі күтіледі.

Бұл туралы ҚР ІІМ ТЖК баспасөз қызметі хабарлайды.

Алматы облысы Жалаңашкөл ауданында жылдамдығы 18-23 м/с, екпіні 28 м/с жел тұрады, кей жерлерінде түнде тұман күтіледі.

Жамбыл, Оңтүстік-Қазақстан, Қарағанды облыстарының кей жерлерінде тұман, желдің жылдамдығы 15-20 м/с-ға дейін күшейеді.

Қостанай облысының кей жерлерінде тұман күтіліп, желдің жылдамдығы 18 м/с-ға дейін күшейеді.

Қызылорда, Батыс-Қазақстан, Атырау, Ақтөбе, Павлодар, Шығыс-Қазақстан облыстарында, Солтүстік-Қазақстан облысының кей жерлерінде тұман, Атырау облысының кей жерлерінде көктайғақ күтіледі.