Бүгін Қазақстанның басым аймағында күн жауын-шашынсыз болады
Бұл туралы «Қазгидрометтен» хабарлады.
Тек батыста және солтүстікте атмосфералық фронтальды бөліктердің өтуіне байланысты кей жерлерде жаңбыр сақталады. Оңтүстік-батыста, солтүстікте, солтүстік-батыста, орталықтың кей жерлерінде тұман күтіледі, оңтүстікте және оңтүстік-батыста шаңды дауыл болады.
Жамбыл, Қызылорда, күндіз Оңтүстік Қазақстан облыстарының кей жерлерінде жел 15-20 м/с күшейеді, шаңды дауыл болады. Маңғыстау облысының кей жерлерінде түнде жел 15-20 м/с күшейеді, шаңды дауыл болады, жекелеген аудандарда тұман болады. Батыс Қазақстан, күндіз Ақтөбе облыстарының кей жерлерінде жел 15-20 м/с көтеріледі. Қостанай облысының кей жерлерінде тұман күтіледі, таңертең және күндіз жекелеген аудандарда жел 18 м/с жетеді. Солтүстік Қазақстан, Ақмола, Қарағанды облыстарында түнде және таңертең кей жерлерде тұман болжануда.
Қарағанды облысының кей жерлерінде үсік күтіледі.
Сондай-ақ, Оңтүстік Қазақстан, Атырау облыстарында, Қарағанды, Жамбыл, Алматы облыстарының басым бөлігінде, Шығыс Қазақстан, Ақтөбе облыстарының кей жерлерінде өте жоғары өрт қаупі сақталады.