07:22, 23 Ақпан 2017 | GMT +6
Бразилия кофені импорттауға мәжбүр
АСТАНА. ҚазАқпарат - Ақпан айынан бастап Бразилия ішкі сұранысты қанағаттандыру үшін Вьетнамнан алпыс келілік қаптағы 1 млн «Робуста» кофесіне жеткізеді, деп хабарлайды dw.com .
Ірі кофе шығарушы Бразилия ел тарихында тұңғыш рет ішкі сұранысты қанағаттандыру үшін кофені сырттан импорттауға мәжбүр. Елдің үкіметі 2017 жылдың ақпан айынан бастап Вьетнамнан 60 келілік қаптағы 1 млн «Робуста» сортының кофесіне жеткізеді. Бұл туралы ақпаратты Folha de São Paulo интернет-порталы жария етті. Импорт айына 250 мың қап көлемінде шектелген.
Кофе өсіретін аймақтардағы бірнеше айға созылған қуаңшылық осы өнімнің бағасын соңғы он екі айда 14,9 пайызға қымбаттатып жіберген. 2016 жылы 8 млн қап «Робуста» сортының кофесін шығарған Эспириту-Санту штаты көбірек зардап шекті, бұл көрсеткіш бір жыл бұрынғымен салыстырғанда 30 пайызға кем.