Қолданушы баптаулары
Қолданушы баптаулары
+7 (701) 759 90 19 Лента
Астана: -10 °С
Алматы: 0 °С
USD 319.32 EUR 396.28
RUB 5.66 CNY 50.34
Жаңалықтар

Бозымбаев Теңіздің өндірістік қуаттылығын арттырудағы Қазақстанның үлесін атады

2017 жылғы 5 желтоқсан 14:32 1315
Бөлісіңіз:
Бозымбаев Теңіздің өндірістік қуаттылығын арттырудағы Қазақстанның үлесін атады

АСТАНА. ҚазАқпарат - Батыс Қазақстанда орналасқан Теңіз кен орнында өндірістік қуаттылықты арттыру жобасындағы қазақстандық үлес 36 пайызды құрайды. Бұл туралы бүгін елордада өтіп жатқан «Kazakhstan Global Investment Roundtable» форумы аясында БАҚ өкілдеріне сұхбат берген ҚР Энергетика министрі Қанат Бозымбаев айтты, деп хабарлайды ҚазАқпарат.

«Энергетика саласына инвестиция тарту қарқынды жүріп жатыр. Ең бастысы жалпы құны 37 млрд  долларды құрайтын  Теңіз кен орнын кеңейту жобасы бар. Аталған қаржының біраз бөлігі Атырау облысына құйылып жатыр. 27 мың адам сол жобада жұмыс істеуде. Әлемнің 100-ден астам компаниясы қатысуда», - деді ол.

Осы ретте министр кен орнын кеңейту  барысындағы  құрылыс жұмыстарында да, бұрғылау жұмыстарында да қазақстандық үлестің жоғары болатындығын айтты.

«Құрылыс жұмыстарындағы қазақстандық компаниялардың үлесі 60 пайызға жақын болады. Ал бұрғылау жұмыстарындағы үлесіміз 50 пайыздан асып жығылады. Жалпы жобадағы қазақстандық үлес 35-36 пайызды құрайды», - деді Қанат Бозымбаев.

Еске сала кетейік, 2016 жылдың 5 шілдесінде «Теңізшевройл» ЖШС Батыс Қазақстанда орналасқан Теңіз кен орнының өндірістік қуаттылығын арттырудың келесі сатысы болып табылатын Келешек кеңею жобасы мен Ұңғы ернеуіндегі қысымды басқару жобасын (ККЖ-ҰЕҚБЖ) қаржыландыруға қатысты ақырғы шешімнің қабылданғанын хабарлаған болатын.

 

 


Бөлісіңіз:

Автор:

Марлан Жиембай

Онлайн қызметкерлер
Редактор
Кожакелдиев Е.
Кожакелдиев Е.
954-059
Редактор
Жарылқасын Саягүл
Жарылқасын Саягүл
954-059
Мұрағат