Ауа райы
Астана -9 °С
Алматы -3 °С
валюта бағамы
USD 330.00
EUR 390.72
RUB 5.65
CNY 50.13

БҚО-да киік аулаумен айналысқан ұйымдасқан топ мүшелері қолға түсті

БҚО-да киік аулаумен айналысқан ұйымдасқан топ мүшелері қолға түсті
2017 жылғы 20 маусым 21:37 7739

ОРАЛ. ҚазАқпарат - 19 маусым күні Қазталов ауданында киік аулаумен заңсыз айналысқан ұйымдасқан топ мүшелері қолға түсті. Бұл туралы БҚО ІІД тергеу басқармасы тергеу бөлімінің бастығы, полиция подполковнигі Махамбет Темірбаев мәлім етті, деп хабарлайды «ҚазАқпарат» тілшісі.


БҚО-да киік аулаумен айналысқан ұйымдасқан топ мүшелері қолға түсті
Оның айтуынша, кең ауқымды жедел іздестіру шаралары барысында 272 дана киік мүйізі, 1 млн. 120 мың теңге ақша, 5 дана аңшы қаруы, 1 газды тапанша, 134 дана оқ-дәрі, 4 қаршана, 5 жол талғамайтын автокөлік, 18 ұялы телефон тәркіленді. Қылмыс айғақтары табылған екі күдікті Қазталов аудандық ішкі істер бөлімінің уақытша оқшаулау изоляторына қамалды. Қалған үшеуінің қылмысқа қатыстылығы тексерілуде.

Қазіргі кезде киікті заңсыз аулауға байланысты тергеу амалдары жүргізілуде.

БҚО-да киік аулаумен айналысқан ұйымдасқан топ мүшелері қолға түсті

Айта кетейік, өңірде киікті заңсыз аулау қылмысы азаяр емес. Айталық, өткен жылы 24 қылмыстық  іс өндірісте болса, биыл жыл басынан бері 13 сондай істің төртеуі сотқа жіберілді. Бесеуі қылмыстық жауапкершілікке тартатын адам анықталмағандықтан, тоқтатылды.

Автор: Елжан Ералы
Басты сөздер: Экология, Батыс Қазақстан облысы, Қылмыспен күрес, ҚР ІІМ,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер