БҚО-да қатты желден моншаның шатыры ұшып кетті

ОРАЛ. ҚазАқпарат - Батыс Қазақстан облысында қатты желден моншаның шатыры ұшып кетті, деп хабарлайды «ҚазАқпарат» тілшісі.

Қаратөбе аудандық ТЖ бөлімінің бас маманы, азаматтық қорғау подполковнигі Мэлс Ысқақовтың айтуынша, кеше сағат 20.45 шамасында аудан орталығы Қаратөбе ауылында Қ.Жұмалиев көшесіндегі жеке моншаның шатыры ұшқан.

Моншаның төбесінен құлаған құрылыс материалдарының (қаңылтыр, ағаш) жалпы көлемі - 143 шаршы метр. Абырой болғанда, ешкім зардап шеккен жоқ.

Айта кетейік, өңірде желдің күшейетіні жөнінде БҚО ТЖ департаменті ескерту жариялаған болатын.