Байқоңырдан халықаралық ғарыш станциясына кезекті экипаж ұшырылды

БАЙҚОҢЫР. ҚазАқпарат - «Союз МС-07» басқарылатын әуе кемесі бар «Союз-ФГ» зымыран тасығыш Байқоңырдың бірінші алаңынан ұшырылды. Экипаж құрамында МКС-54/55 ұзақ экспедициясының мүшесі, Роскосмос ғарышкері Антон Шкаплеров, NASA астронавты Скотт Тингл және JAXA астронавты жапониялық Норишиге Канаи бар, деп хабарлайды «ҚазАқпарат» ХАА тілшісі. 

Зымыран тасығыш Астана уақытымен 13:21-де ұшырылып, штаттық режимде жүргізілді. Репортаж онлайн режимде берілді. Ғарыш кемесінің үшінші зымыран тасығыштан бөлінуі ұшырылғаннан кейін 528-секундта өтті.


Кеменің ХҒС-пен түйісуі 19 желтоқсанға жоспарланған.

МКС 54/55 экипжаның мүшелері орбитада 300-ге жуық эксперимент жүргізеді, деді экипаж командирі Антон Шкаплеров. Ол өзінің туған күнін үшінші рет орбитада атап өтпек.

Халықаралық ғарыш станциясының бортында ресейлік ғарышкер Александр Мисуркин мен екі америкалық ғарышкер Марк Ванде Хай мен Джозеф Акаба әріптестерімен кездесуге дайындалып жатыр.