Баян Мақсатқызы жалқаулар мен масылдарға пост арнады
«Табыс та махаббат тәрізді, ешқандай ақшаға сатылмайды. Әйтпесе мен табысқа баяғыда жетер едім. Бақытыма орай, маған көп жұмыс істеуге тура келді. Ақшаның күші - махабаттың күші секілді түрлі мүмкіндіктерге жол ашады. Мен көңіл-күйді, сүйікті жұмысымдағы құмарлықты, жаңа әсерлерді, идеяларымды сатып аламын. Бірақ, сатып алу үшін де жылдар бойы жұмыс істедім, қауіп-қатерге бас тіктім, еңбектендім. Менің табысымды аспаннан түскен сәттілікпен салыстыратындарға айтарым, айнаға қарап, өзіңізден осының барлығын мен істей алдым ба, істесеңіз кімнің есебінен деп сұраңыз», - деп жазды жұлдыз.
Баян Мақсатқызы өзгенің өміріне араласпай, өз айналасына көз жүгіртуге кеңес берді.
«Табысты әйелдің артында ер адамның тұруы міндетті емес, әйелдің өзі-ақ табысқа қол жеткізе алады. Шамасы Сіздер мұны түсінбейтін сияқтысыздар. Жалқауларға және масылдарға арналады!!!», - деді Баян.
Бұған дейін Баян Есентаеваның Facebook аккаунтында фамилиясы Мұхитденова, Instagram-да Баян Мақсатқызы болып тіркелгені хабарланған еді.