Батыс Қазақстанда Қасым ақынға мүсін орнатылды

None
None
ОРАЛ. ҚазАқпарат - Батыс Қазақстанда бүгін ақын Қасым Аманжоловқа мүсін орнатылды, деп хабарлайды «ҚазАқпарат» тілшісі.

Қасым ақынның жастық шағы Орал қаласында өткені белгілі. Осыған орай бұдан он жыл бұрын Зеленов ауданы орталығы Переметный ауылында жаңадан ашылған қазақ мектебіне Қасым Аманжоловтың есімі берілген болатын.

Міне, бүгін осы мектептің ауласында ақын мүсіні салтанатпен ашылды. Оның ашылу рәсіміне қатысқан аудан әкімі Асхат Шахаров, Қазақстан халқы БҚО ассамблеясы төрағасының орынбасары, хатшылық меңгерушісі Ғайса Қапақов осынау бастаманың «Рухани жаңғыру» бағдарламасы аясында жүзеге асып отырғанын жеткізіп, мүсін авторы Асқар Бақтығалиұлына ризашылығын білдірді.
null 

Жергілікті демеушілердің 1,5 млн теңге қаражатына бой көтерген мүсіннің биіктігі - 2,8 метр.

Айта кетейік, Орал қаласындағы бір көшеге Қасым Аманжоловтың есімі берілген.

Соңғы жаңалықтар