Қолданушы баптаулары
Қолданушы баптаулары
+7 (701) 759 90 19 Лента
Астана: -8 °С
Алматы: 5 °С
USD 318.99 EUR 393.70
RUB 5.62 CNY 50.28
Жаңалықтар

Батыс Қазақстанда Ақсай қаласының 50 жылдығы тойланды

2017 жылғы 17 қыркүйек 05:15 1696
Бөлісіңіз:
Батыс Қазақстанда Ақсай қаласының 50 жылдығы тойланды

ОРАЛ. ҚазАқпарат - Бөрлі ауданының орталығы Ақсай қаласында шаһардың 50 жылдығына арналған мерейтойлық шаралар болып, оған облыс әкімі Алтай Көлгінов қатысты, деп хабарлайды «ҚазАқпарат» тілшісі.


Батыс Қазақстанда Ақсай қаласының 50 жылдығы тойланды

Аудан тұрғындарын мерекемен құттықтаған облыс басшысы Елбасы тапсырмасына сәйкес өңірде қай салада да жаңалық-өзгерістер болып жатқандығын, соның ішінде «Рухани жаңғыру» бағдарламасына сәйкес өлкенің тарихын түгендеу, танымал тұлғаларын құрметтеу және туған жерді түлету бағытында көптеген жұмыстар қолға алынып жатқандығын жеткізді. Бұдан ірге көтергеніне жарты ғасыр толған Ақсай қаласы да тыс қалып отырған жоқ. Қаланың өткені бүтінделіп, бүгіні ажарлануда. Ертеңі одан да жарқын болары сөзсіз.  


Батыс Қазақстанда Ақсай қаласының 50 жылдығы тойланды

Салтанатты шаралар барысында бір топ азаматтарға мерейтойлық медальдармен қатар «Бөрлі ауданының құрметті азаматы» атағы беріліп, төсбелгілер табыс етілді.

Алтай Көлгінов сапары барысында «Ақсайгазсервис» АҚ-да болып, компания ұжымын қала күнімен құттықтады. Сондай-ақ «Қарашығанақ-1» шағынауданында Березов пен Бестау ауылы тұрғындарына арналып, салынып жатқан 153 пәтерлік 9 қабатты үйдің құрылысымен танысты. Бұл үй алдағы қазан айында пайдалануға берілмекші. Ал қалаға іргелес Аралтал ауылында  100 үй бой көтерген болатын. Мұнда 85 отбасыға пәтер кілті беріліп, соның 67-сі орналасып үлгерді. Березов пен Бестау ауылдары тұрғындары биылғы жыл соңына дейін түгел көшетін болады.


Батыс Қазақстанда Ақсай қаласының 50 жылдығы тойланды

Сонымен қатар Ақсай қаласының 50 жылдығына орай «Қарашығанақ» дене шынықтыру-сауықтыру кешені ашылды. Бұл нысан құрылысына «ҚПО б.в.» компаниясы әлеуметтік-инфрақұрылымдық даму бағдарламасы аясында 860 млн теңге бөлген болатын. Спорт кешенінде 1200 көрерменге орындық бар. Жеңіл атлетикаға арналған жүгіру жолағы, футбол, волейбол, теннис алаңдары дайын. Жалпы, кешенде тұрғындар спорттың 15 түрімен айналыса алады.


Батыс Қазақстанда Ақсай қаласының 50 жылдығы тойланды
Батыс Қазақстанда Ақсай қаласының 50 жылдығы тойланды

 

 

 


Бөлісіңіз:

Автор:

Елжан Ералы

Онлайн қызметкерлер
Редактор
Ербол Жанат
Ербол Жанат
954-059
Редактор
Айдар Оспаналиев
Айдар Оспаналиев
954-059
Мұрағат