22:44, 26 Қыркүйек 2016 | GMT +6
Бангладеште қоқыс жәшігінен 10 құйма алтын табылды
АСТАНА. ҚазАқпарат - Бангладеш Республикасының кеденшілері Дакка әуежайының қоқыс жәшігінен 10 құйма алтын тауып алды, деп хабарлайды Би-би-си.
Табылған сом алтындардың суреті республика кеден қызметінің Фейсбуктегі парақшасында жарияланған. Құймалардың жалпы салмағы 3 келі шамасында.
Бангладеште алтын контрабандасы етек алған. 2014-2015 жылдары кеденшілер елдің екі халықаралық әуежайынан 1 тоннаға жуық контрабандалық алтынды тәркілеген.