Ауа райы
Астана 25 °С
Алматы 26 °С
валюта бағамы
USD 340.95
EUR 408.73
RUB 5.87
CNY 51.80

Бағаланбай қалған батырлар: Сембай ҚАЛИЕВ

Бағаланбай қалған батырлар: Сембай ҚАЛИЕВ
2017 жылғы 6 мамыр 05:00 498

АСТАНА. ҚазАқпарат - Жеңіс күні қарсаңында «ҚазАқпарат» ХАА есімі ұмыт қалған Кеңес Одағының Батырлары туралы материалдар жариялайды. Материалдарды жариялауға «Бағаланбай қалған батырлар» жинағының авторы Берік Әбдіғалиұлы көмек көрсетті.

Берік Әбдіғалиұлының атап өтуінше, бұл жинақта сөз қозғалатын батырлардың есімі жалпақ жұртқа мәлім емес. Олардың атымен аталған көше немесе мектептер жоқ. Қан майданда ерлік көрсеткенін жанындағы жолдастары көрсе де, штаб және партия басшылығы оларды мойындамаған. Біздің міндетіміз - бағаланбай қалған батырлар жайында келешек ұрпаққа әңгімелеп беру.

Сембай ҚАЛИЕВ - 1916 жылы Павлодар облысы Лебяжі ауданының Қазы ауылында дүниеге келген. 1937-40 жылдары Қиыр Шығыста әскер қатарында болып, кіші командирлер курсын бітірген. Соғыс кезінде зеңбірек командирі болған. Соғыста көрсеткен ерліктері үшін 10-шы гвардиялық артполкінің командованиесі 1945 жылдың қаңтар айында С. Қалиевті Кеңес одағының батыры атағына ұсынған. Белгісіз себептермен батыр атағы берілмей қалған. Қызыл Жұлдыз, Қызыл Ту, І дәрежелі Отан соғысы ордендерімен марапатталған.

1946 жылы әскерден босап келген соң туған жерінде колхоз төрағасы, шаруашылық басшысы болып еңбек етеді. 1972 жылы 25 қыркүйекте дүниеден өтеді.

Бағаланбай қалған батырлар: Сембай ҚАЛИЕВ
Бағаланбай қалған батырлар: Сембай ҚАЛИЕВ

 

 

 

Басты сөздер: Жеңіс күні, Бағаланбай қалған батырлар,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер