Әзербайжан Каспий теңізінде жоғалып кеткен мұнайшыларды іздестіріп жатыр

АСТАНА. ҚазАқпарат - Әзербайжанның ТЖМ кемелері және Каспий теңізі кеме шаруашылығы эстакада бөлігі Каспийге құлағанда суға кеткен мұнайшылардың денесін іздестіруге жұмылдырылды, деп хабарлайды РИА Новости Әзербайжан Мемлекеттік мұнай компаниясына (SOCAR) сілтеме жасап.

Бейсенбі күні таңертең Каспий теңізіндегі №3 мұнай жинау бөлімшесіндегі ұзындығы 150 метр болатын эстакада бөлігі құлап, 10 адам із-түзсіз жоғалып кетті. Жоғалған мұнайшылардың аты-жөні анықталды. «Іздестріу жұмыстарына Каспий теңізі кеме шаруашылығы мен ТЖМ кемелері жұмылдырылды. Іздестіру-құтқару жұмыстары жалғасып жатыр. SOCAR, ТЖМ және «Азнефть» басшылығы оқиға орнына келді», - делінген Әзербайжан Мемлекеттік мұнай компаниясының хабарламасында.