Атырауда заңсыз ақбалық аулағандар тобы ұсталды
«Атырау облыстық орман шаруашылығы және жануарлар әлемі аумақтық инспекциясының табиғат ресурстарын қорғау бөлімі қызметкерлерінің Контейнерный ауданында жүргізген балық қорғау шаралары барысында Москвич «ИЖ-комби» маркалы автокөлігі ұсталды.
ОҚО Түркістан қаласының 1990 жылғы тұрғыны тізгіндеген машинаның жүк салғышынан жалпы салмағы 363 кг құрайтын сирек кездесетін - ақбалық табылды. Өзбекстан Республикасының азаматында балық аулауға рұқсат беретін құжаттар жоқ болып шықты. Балық ресурстарының шығыны 617 000 теңгені құрады», - деді Атырау облыстық орман шаруашылығы және жануарлар әлемі аумақтық инспекциясының ресми өкілі Олег Тушканов.
О.Тушканов «ҚазАқпарат» ХАА тілшісіне балықтың тәркіленгендігін және «Надежда» ЖШС-іне өткізіліп, көліктің күзет тұрағына жіберілгендігін мәлім етті.
Жиналған материалдар ҚР ҚК 196 бабы бойынша қылмыстық іс қозғау мәселесін шешу мақсатында құқық қорғау органдарына жіберілді.