Атырауда көшені жарықтандыратын мың баған орнатылды

None
None
АТЫРАУ. ҚазАқпарат - Атырауда көшені жарықтандыратын мың баған орнатылды, деп хабарлайды «ҚазАқпарат» ХАА тілшісі.

«Атыраудағы 194 көшенің 19-ына ақылды көше жарықтандыру жүйесі орнатылды. Оны тәуліктің әр кезіне байланысты жарықдиодты шамдарының көмегімен жарық беру деңгейін өзгертіп отыра алатындығы үшін осылай атап кеткен. Бұл адамдар үшін де ыңғайлы, әрі үнем болады. Мәселен, екі ай ішінде үнемделген қаржы сомасы 2 млн теңгеден асып жығылады. Жоба мемлекеттік-жекешелік әріптестік аясында жүзеге асырылып отыр», - деп хабарлайды жоба жетекшісі Мақсат Исаханов.

Кәсіпкерлер бұл жобаға 2 миллиард 336 миллион теңге инвестициялаған. Бұл көшені жарықтандыруды модернизациялаудың бірінші кезеңі. Екінші кезең осы жылдың соңына дейін жүзеге асырылады. 

Соңғы жаңалықтар