Атырауда бензин өндірісі тәулігіне 4,5 мың тоннаға жеткізілді
«29 наурыздан бастап Атырау МӨЗ мұнайды терең өңдеу кешеніндегі каталитикалық крекинг құрылғысын іске қосқан соң бензин өндіру көлемін екі есеге, яғни тәулігіне 1 900 тоннадан 4 500 тоннаға дейін ұлғайтты. Сонымен қатар өндірілетін бензин маркасы АИ-92 және одан жоғары», - деп хабарлайды Атырау МӨЗ баспасөз қызметі.
Естеріңізге сала кетейік, «Атырау мұнай өңдеу зауытында терең мұнай өңдеу кешенін салу» жобасы Қазақстанның индустриялық-инновациялық дамуының мемлекеттік бағдарламасы аясында жүзеге асырылып, кәсіпорынның жаңғыртылуының үшінші, соңғы кезеңі болып табылады. Жоба 12 жеке технологиялық қондырғыны және жалпы зауыттың 40-тан астам нысанын салуды қарастырады. Негізгі қондырғы - каталитикалық крекинг қондырғысы, ол K4 және K5 экологиялық класты жоғары октанды бензин өндіруде мұнайдың терең өңделуі үшін қажет.
Фото: m.bbgl.ru