15:44, 19 Мамыр 2017 | GMT +6
Атырауда Батырхан Шүкеновті еске алу концерті өтті
АТЫРАУ. ҚазАқпарат - Атырауда Батырхан Шүкеновті еске алуға арналған концерт толықтай аншлагпен өтті, деп хабарлады «ҚазАқпарат» ХАА тілшісі. Құрманғазы атындағы Мәдениет үйіне халық лық толды.
Концертке қазақстандық әнші, композитор Батырхан Шүкеновтің шығармашылығын құрмет тұтатын қауым, «Динамик бэнд» кавер-тобы қатысты. Концерт екі сағатқа созылды.
Әншінің жұртшылық сүйіп тыңдайтын атақты «Джулия», «Солдат любви», «Я это ты», «Дождь», «Нелюбимая», «Стоп, ночь» және т.б. әндері орындалды. Көрермендер де әншілермен қосыла ән шырқады.
Еске салсақ, Батырхан Шүкенов 2015 жылғы 28 сәуірде Мәскеуде 53-ке қараған шағында жүрек талмасынан қайтыс болды.