07:18, 27 Маусым 2017 | GMT +6
Атырауда алаяқ инспектор ұсталды
АТЫРАУ. ҚазАқпарат - Атырау мемлекеттік кірістер департаментінің ішкі қауіпсіздік басқармасының қызметкерлері өзін салық органының қызметкері деп таныстырып, алаяқтық әрекеттерге барған ер адамды құрықтады, деп хабарлайды ҚазАқпарат тілшісі.
«Күдікті жедел-іздестіру операциясы барысында атыраулық кәсіпкерлерден бірнеше мәрте ақша бопсалау фактілері бойынша ұсталды. Күдікті бұрын сотталған Атырау облысының тумасы. Ол кәсіпкерлердің сеніміне кіріп алып, «қызмет көрсеткені» үшін ақша алып келген», - деді Атырау облыстық МКД баспасөз қызметі.
Аталған іс бойынша тергеу амалдары жүргізілуде.