Атырау тұрғындары қазақтың қолөнерін үйренеді

АТЫРАУ. ҚазАқпарат - Атырау тұрғындарын үш күннің ішінде қолөнерге тегін үйретеді, деп хабарлайды «ҚазАқпарат» ХАА тілшісі. 

«Неоэтностильде бұйымдарды дайындау бойынша шеберлік сыныптарын танымал қазақстандық шебер Ырза Тұрсынзада өткізеді. Олар «Ұлы дала мұрасы» бірінші халықаралық форумы аясында өтеді. Қолөнер бойынша оқыту семинарлары 14-16 наурызда Атырау облыстық тарихи-өлкетану музейінде өтеді. Шеберлік сыныптарына қала тұрғындары мен қонақтары қатыса алады. Ол үшін қолөнерші Ырза Тұрсынзаданың Instagram парақшасында тегін шеберлік сыныпқа жазылу керек», - деп хабарлады облыстық әкімдіктің баспасөз қызметінен.