15:29, 20 Қазан 2017 | GMT +6
Атырау облысының әкімдігі Telegram арқылы ұсыныстарды қабылдайды
АСТАНА. ҚазАқпарат - Telegram қосымшасында «Атырау облысы әкімдігі» чат-арнасы ашылды. Бұл туралы Үкімет үйінде өткен баспасөз мәслихатында мәлім болды, деп хабарлайды ҚазАқпарат.
Атап айтқанда, чат-арна биылғы 7 қыркүйекте ашылды. Осы арқылы тұрғындардың мемлекеттік органдарға жолдаған ұсыныстары мен көтерген мәселелеріне жедел жауап қайтаруға мүмкіндік берілді.
Баспасөз қызметінің мәліметінше, чат-арна жұмысын бастағалы 1 000-ға жуық сауал келіп түсті. Қазір топта 900 адам бар. Бір сауалды өңдеу мен тиісті шешім жасауға 1-2 жұмыс күні кетеді.